ބީއެމްއެލްގެ އޮޑިޓް ރިޕޯޓާ ގުޅިގެން ފުލުހުން ކުރަމުންގެންދާ ތަޙުޤީޤަށް ޖިނާއީކޯޓުގެ އިސް ޤާޟީ ހުރަސްއަޅުއްވަމުން ގެންދަވާ މައްސަލަ ތަޙުޤީޤު ކުރުމަށް ނިންމަވައިފި
ބޭންކް އޮފް މޯލްޑިވްސްގެ 2008 ވަނަ އަހަރުގެ އޮޑިޓް ރިޕޯޓާ ގުޅިގެން ފުލުހުން ކުރަމުންގެންދާ ތަޙުޤީޤަށް ޖިނާއީ ކޯޓުގެ އިސް ޤާޟީ ޢަބްދުﷲ މުޙަންމަދު، ހުރަސް އަޅުއްވަމުން ގެންދަވާ ކަމަށް ވިދާޅުވެ، މަކަރާއި ޙީލަތް ހަދައިފައި ހުރި ކަމަށް އޮޑިޓަރ ޖެނެރަލްގެ ރިޕޯޓުން ސާބިތުވާ ކަމެއްގައި ފުލުހުންގެ ތަޙުޤީޤަށް އޭނާ ހުރަސްއަޅުއްވާ ސަބަބު ބައްލަވައި، އެ މައްސަލަ ތަޙުޤީޤު ކުރުމަށް މިއަދު ބޭއްވެވި ވަޒީރުންގެ މަޖިލީހުގެ ޚާއްޞަ ބައްދަލުވުމަކުން ނިންމަވައިފި އެވެ.
