ޑީ.އާރު.ޕީ އިހުގެ އާދަ ތަކުރާރު ނުކުރާށެވެ
ް
ވެލިދޫ މުޙައްމަދު ޙަލީމް
ކުރީގެ ރައީސް މައުމޫނަކީ އޭނާއާ ޚިޔާލު ތަފާތުވާ މީހުންނަށް ލައްކަގިނަ އުދަގޫތަކާ ތުރާތައް ޖައްސާފައިވާ މީހެކެވެ. އަދި މިގޮތުން ބައެއްމީހުން ސިޔާސީ ކުށްވެރިންނަށް ހަދައި، އެމީހުން ޖަލުގައި ހައްޔަރުކޮށް އަނިޔާކޮށް ތަފާތު ލާއިންސާނީ އަދަބުތައް ދީފައިވާ މީހެކެވެ. ތަފާތުއެތައް އަހުވައެއް ދައްކާފައިވާ މީހެކެވެ. އަދި އެހެންމެ މައުމޫނު ވިދާޅުވާ ގޮތަށް ކަންނުކުރާ ކަތީބުންނަށާއި ކަމުވޮށިގެންވާ މީހުންނަށްވެސް ތަފާތު އެކި ސިފަސިފައިގައި މައުމޫނު އަނިޔާވެރިވެފައިވާކަން ދިވެހި ތާރީޚު ހެކިދެއެވެ.
މާތް ﷲ ގެ ހެޔޮރަޙުމަތްފުޅުން މައުމޫނުގެ މިއަނިޔާތަކުން ދިވެހިން މިވަނީ މިންޖުކުރައްވާފައެވެ. އޭނާގެ ވެރިކަން ބަދަލުކުރައްވާފައެވެ. އޭނާ ނިކަމެތި ކުރައްވާފައެެވެ. އެހެންނަމަވެސް މިއަދުވެސް މައުމޫނު މަސައްކަތްކުރަމުން ގެންދަނީ ރައްޔިތުންގެ މަޖިލީހުގައި އޭނާގެ ޕާޓީ ޑީ.އާރު.ޕީގެ މެންބަރުން ބޭނުންކުރައްވައިގެން އޭނާގެ އަނިޔާވެރި އުޞޫލުތައް ތަކުރާރު ކުރާށެެވެ. ޚުދުމުޚުތާރު ގޮތުގައި ކަންކުރާށެވެ
.
އިލެކްޝަން ކޮމިޝަންގެ ރައީސްކަމުގައި ހުންނެވި މުޙައްމަދު އިބްރާހީމްގެ ނަންފުޅު ތަކުރާރުކޮށް ރައްޔިތުންގެ މަޖިލީހަށް ފޮނުވުމުން ފާސްނުވީ މުޙައްމަދު އިބްރާހީމަކީ ކުޅަދާނަ، ހުޝިޔާރު ބޭފުޅަކަށް ނުވާތީއެއް ނޫނެއެވެ. އަދި ކިއެއްތަ؟ އެމަނިކުފާނުގެ ނާގާބިލުކަމަކުންވެސް ނޫނެވެ. އެހެންނަމަވެސް މިކަމުގައިވެސް ހާމަވެގެން ގޮސްފައިވަނީ ކަތީބުންނާމެދު މައުމޫނު އަމަލުކުރާގޮތެވެ. ބަސްނާހާ ކަތީބު ގޭގައި ބަހައްޓާފަދައިން މުޙައްމަދު އިބްރާހީމްވެސް އިލެކްޝަން ކޮމިޝަނުގައި ހުންނަވަނިކޮށް ގެއަށް ފޮނުވާލީއެވެ
.
ރާއްޖޭގެ ޚާރިޖީ ވަޒީރު ޑޮކްޓަރ އަޙްމަދު ޝަހީދު ވޯޓުގައި ފޭދޫ ދާއިރާގެ އިއްޒަތްތެރި މެންބަރު އަލްހާން ފަހުމީ ޚިޔާރު ކުރެއްވީ ރައްޔިތުންނަށާއި ދައުލަތަށް އެންމެ ފައިދާބޮޑު މަގެވެ. ޑީ.އާރު.ޕީ ކަރަންޓީނު ކުރުމަށް ޑޮކްޓަރ ޝަހީދު ގޮވާލެއްވުމަކީ އިތުބާރު ނެތްކަމުގެ ވޯޓެއް ނަގަންޖެހޭވަރުގެ ކަމެއް ނޫންކަން ޒުވާން އަލްހާނަށް އެގިވަޑައިގަންނަވައެވެ. އަލްހާން ގާނޫނުއަސާސީގެ 75 ވަނަ މާއްދާގެ މަފްހޫމް ވެވަޑައިގަންނަވައެވެ. ވުމާއެކު މައުމޫނު ވިޔަސް، ތަސްމީނު އެންގެވިޔަސް ސިޔާސީ މަގުޞަދަކަށްޓަކައި ގައުމު އަދަވަޅަކަށް ވައްޓާލުމަކީ އަލްހާން އެދޭކަމެއްނޫނެވެ
.
ނަތީޖާއަކީ ކޮބައިތޯއެވެ. އަލްހާން ފަހުމީގެ ޖާނާއި މާލުން ގުރުބާންވި ޕާޓީން އޭނާ ނަގާ އެއްލައިލީއެވެ. އަދި އޭނާއަކީ މީދަލަކަށްވެސް ވެއްޖެއެވެ. ޕާޓީން ސަސްޕެންޑްވެސް ކޮށްފިއެވެ. ހަގީގަތުގައި މިކަމުގައިވެސް ފެނިގެން މިދަނީ މައުމޫނުގެ އަސްލުސިފައެވެ. ނުރެހޭ މީހާއަށް ފުރައްސާރަކޮށް، ދުއްތުރާތައް ކުރިމަތި ކުރާގޮތެވެ. އެހެލާ ގޮތެވެ. ގެއަށް ފޮނުވާލުމުގެ އާދައެވެ. އަދިވެސް ޑީ.އާރު.ޕީ އެގެންދަނީ އިހުގެ އާދަތައް ތަކުރާރު ކުރަމުންނެވެ. އެމަންޒަރުތައް ކުޅެމުންނެވެ. ސިފަވަމުންނެވެ. ބަޅެއްގެ ނަގޫ ސަންފާ އޮނުގައި ފެނުއަޅާފައި ނެގިއަސް އޮންނާނީ ބަޅުކޮން ދޮއްތޯއެވެ
.
