"ސަރަހައްދުގެ ވިޔަފާރީގެ މައިރަށުގެ ގޮތުގައި ވެލިދޫ ހަމަޖެހިގެން ދާނެ"
ލާމަރުކަޒީ އުޞޫލުން އަތޮޅުތައް ހިންގުމާ ބެހޭގޮތުން ނ. ރ. ބ. ޅ. މި ހަތަރު އަތޮޅަށް އަމާޒު ކުރައްވައިގެން ބާއްވަވާ މަސައްކަތު ބައްދަލުވުން، ރައީސުލްޖުމްހޫރިއްޔާ މުޙައްމަދު ނަޝީދު މިއަދު އިފްތިތާޙު ކޮށްދެއްވައި، ވެލިދޫ ފަރާތުން މިބައްދަލުވުމުގައި ބައިވެރިވި މަންދޫބުންނާ ބައްދަލުކުރައްވައި ވާހަކަ ދެއްކެވިއެވެ.
ލާމަރުކަޒީ އުޞޫލުން އަތޮޅުތައް ހިންގުމާ ބެހޭގޮތުން ނ. ރ. ބ. ޅ. މި ހަތަރު އަތޮޅަށް އަމާޒު ކުރައްވައިގެން ބާއްވަވާ މަސައްކަތު ބައްދަލުވުން، ރައީސުލްޖުމްހޫރިއްޔާ މުޙައްމަދު
ނަޝީދު މިއަދު އިފްތިތާޙު ކޮށްދެއްވައި، ވެލިދޫ ފަރާތުން މިބައްދަލުވުމުގައި ބައިވެރިވި މަންދޫބުންނާ ބައްދަލުކުރައްވައި ވާހަކަ ދެއްކެވިއެވެ.
ވަކިން ބޭއްވެވި މި ބައްދަލުވުމުގައި ވެލިދޫއަށް ދިމާވެފައިވާ މައްސަލަތަކާ ގުޅޭގޮތުން ވެލިދޫގެ މަންދޫބުން ދެންނެވި ވާހަކަތަކަށް ރައީސް ނަޝީދުގެ ފަރާތްޕުޅުން ވަރަށް އުންމީދީ ޖަވާބެއް ލިބުނުކަމަށް މައުލޫމާތު ލިބިފައި ވެއެވެ.
“ރަށަށް މިހާރުން މިހާރަށްވެސް މުހިންމު ވެފައިވާ ކަންތައްތަކުގެ މައުލޫމާތު ރައީސަށް ދެންނެވީމަ، ރައީސްގެ ފަރާތްޕުޅުން އެކަށޭނަ ޖަވާބެއް ލިބުނު. ޚާއްސަގޮތެއްގައި ދަންނަވާނަމަ، ކުނީގެ މައްސަލައިގާ ރައީސް ވިދާޅުވީ ކުރިއަށް އޮތް ދެހަފްތާއެއްހާ ދުވަހުގެތެރޭގައި އެމައްސަލަ ހައްލުކޮށްދެއްވާނެކަމަށް. އަދި ނަރުދަމާ ނިޒާމްގެ މަސައްކަތް މިއަހަރުގެ މެދުތެރޭ ފެށޭވަރު ކޮށްދެއްވާނެ ކަމަށްވެސް ވިދާޅުވި.” މިބައްދަލުވުމުގައި ބައިވެރިވެލެއްވި މުޙައްމަދު ޙަލީމް ވީއޯ އަށް މައުލޫމާތު ދެއްވަމުން ވިދާޅުވިއެވެ. “މީގެ އިތުރުންވެސް ސަތޭކަ ހައުސިން ޔުނިޓުގެ މަސައްކަތް ވެލިދޫގައި ފެށޭނެ ވާހަކައާއި މި ސަރަހައްދުގެ ވިޔަފާރީގެ މައިރަށުގެ ގޮތުގައި ވެލިދޫ ހަމަޖެހިގެން ދާނެކަމަށްވެސް ރައީސް ވިދާޅުވި”
download the transformers the movie
ފާދިއްޕޮޅު ނައިފަރުގައި ބޭއްވި މިބައްދަލުވުމުގައި ވެލިދޫ ފަރާތުން ބައިވެރިވި މަންދޫބުންގެ ގޮތުގައި ހިމެނުނީ؛ ވެލިދޫ ބޮޑު ކަތީބު އިބްރާހިމް ޙަލީމް އާއި އިޖްތިމާޢީ ޚިދުމަތްތެރިއެއްގެ ގޮތުން އަސްދޫ އަޙުމަދު ސައީދު އާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ފަރާތުން ދޫނިޔާ އަބްދުލްޢަޒީޒާއި އެމްޑީޕީގެ ފަރާތުން މުޙައްމަދު ޙަލީމާއި ޑީއާރުޕީގެ ފަރާތުން މުޙައްމަދު އައްބާސް އާއި ޖުމްހޫރީ ޕާޓީގެ ފަރާތުން އަހުމަދު ޖައުފަރު އަދި އައިޑީޕީގެ ފަރާތުން އިބްރާހިމް ޤާސިމް އެވެ.
ލާމަރުކަޒީ އުޞޫލުން އަތޮޅުތައް ހިންގުމާބެހޭގޮތުން މިއަދުގެ ބައްދަލުވުން އިފްތިތާޙްކޮށްދެއްވަމުން، ރައީސުލްޖުމްހޫރިއްޔާ މިއަދު ދެއްކެވި ވާހަކަފުޅުގައި، ލާމަރްކަޒީ އުޞޫލުން ރާއްޖޭގެ ރަށްރަށް ހިންގުމުގެ ބާރު ރައްޔިތުންނަށް ދިނުމަކީ
ވަރަށް މުހިންމު ކަމެއް ކަމަށާއި، އެ ބާރު ރައްޔިތުންނަށް ލިބިވަޑައިގަންނަވަންޖެހޭނެ ކަމުގައި ވިދާޅުވިއެވެ. އަދި ޤާނޫނުތައް ނިމި، އިންތިޤާލީ ބާބުގައި އެވާ ގޮތުގެ މަތިން ރަށު ކައުންސިލްތަކާއި އަތޮޅު ކައުންސިލްތަކުގެ އިންތިޚާބު، މިއަހަރުގެ ޖޫން ޖުލައިހާ ތާނގައި ބޭއްވޭނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.
