ކުށްކުރުން އިތުރުވެފައިވަނީ ގިނަ ސަބަބުތަކަކާ ހުރެ: ހިއުމަން ރައިޓްސް ކޮމިޝަން
މުޖުތަމައުގައި ކުށްކުރުން އިތުރުވެފައި މިވަނީ ގިނަ ސަބަބުތަކަކާ ހުރެކަމަށާއި އެކަމުގެ މައިގަނޑު ސަބަބަކީ ކުށްވެރިން ދޫކުރުމާއި އެކަށީގެންވާ ފިޔަވަޅު ނޭޅުމާއި، ހައްގު އަދަބު ނުދެވުމާއި، އިސްލާމްދީނުގައިވާ ގޮތުގެމަތިން ހުކުމް ތަންފީޒު ނުކުރެވުމާއި، ޤާނޫނާއި ގަވާއިދު ތަންފީޒު ނުކުރެވުމުގެ އިތުރުން، ސަރުކާރުގެ އިހުމާލުންކަމަށް ދިވެހިރާއްޖޭގެ ހިއުމަން ރައިޓްސް ކޮމިޝަނުން film noir movie ބުނެފިއެވެ.
އެކޮމިޝަނުން މިހެން ބުނެފައިވަނީ، މުޖުތަމައުގައި ކުށްކުރުން އެއްދުވަހުން އަނެއްދުވަހަށް އިތުރުވެ، އާއްމު ރައްޔިތުންގެ ހިތްތަކުގައި ބިރުވެރިކަންއުފެދި، މުޅި މުޖުތަމައުގެ އަމަން އަމާންކަމާއި ސުލްހަ މަސަލަސްކަން ގެއްލެމުން ދިޔުމުގެ ސަބަބުން، އެތައްބައެއްގެ އިންސާނީ ހައްގުތަކަށް އޭގެ ނޭދެވޭ އަސަރު ކުރަމުންދާކަން އެ ކޮމިޝަނަށް ފާހަގަކުރެވިފައިވާތީ، މާލޭގެ އެކި ހިސާބުތަކުގައިއުޅޭ އާއްމު ރައްޔިތުން މިކަމާގުޅޭގޮތުން ދެކޭގޮތް ހޯދުމަށް އެކޮމިޝަނުންކުރި ސަރވޭއަކަށް ފަހުގައެވެ. މިއަދު އާންމުކުރި މި ސަރވޭގައި ބައިވެރިވި 1000 މީހުންގެ ތެރެއިން 51.4 ޕަސަންޓް މީހުން ބުނެފައި ވަނީ މަތީގައި ދެންނެވި ސަބަބުތަކެވެ.
މީގެއިތުރުން މުޖުތަމައުގައި ކުށްކުރުން އިތުރުވެފައިވާ ސަބަބުތަކެއްކަމަށް އެސަރވޭގައި ބަޔާންކޮށްފައިވަނީ، މަސްތުވާތަކެތީގެ ތަފާތު މައްސަލަތައް ގިނަވުމާއި، ބެލެނިވެރިންގެ އިހުމާލުންނާއި، ޒުވާނުން ކުރިއަރާނެ ދޮރުތައް ހުޅުވިފައި
ނެތުމާއި އަގީދާގެ ބަލިކަށިކަން ފާހަގަކޮށްފައި ވެއެވެ. މިސަރވޭއިން ފާހަގަކުރެވުނު އެހެން ބައެއް ކަންތައްތަކުގެތެރޭގައި، މަގުމަތީގައި ދުވާލުގަޑީގައި އެކަނި ނިކުމެއުޅެން 38.7 ޕަސަންޓް މީހުން ބިރުގަންނަ ކަމާއި، މާލޭގެ މަގުމަތީގައި ރޭގަނޑު އެކަނި ނިކުމެއުޅެން 61 ޕަސަންޓް މީހުން ބިރުގަންނަކަމެވެ. މިކަމުގެ ސަބަބުން މާލޭގެ އިޖްތިމާއީ ރައްކާތެރިކަން ނެތްމިންވަރު އަންގައިދޭކަމަށް ކޮމިޝަނުން މިއަދު ނެރުނު ދިރާސާ ރިޕޯޓްގައިވެއެވެ.
ހަމައެއާކު 51 ޕަސަންޓް މީހުން download bedknobs and broomsticks dvd ފުލުހުންނަށް އިތުބާރުނުކުރާކަމަށް ކޮމިޝަނުން ނެރުނު ރިޕޯޓްގައިވާ ސަރވޭއިން ދައްކާފައިވާއިރު، މަސްތުވާތަކެތި ބޭނުންކުރަނިކޮންނާއި، ބޭނުންކޮށްގެންހުއްޓާ އަދި މަސްތުވާތަކެތީގެ ވިޔަފާރިކުރަނިކޮށް އާއްމު ރައްޔިތުންނަށް މުޖުތަމައުގައި ފެނިފައިވާ މިންވަރު ގިނަކަމަށް ސަރވޭއިން ފާހަގަކުރެވިފައިވެއެވެ.
މަސްތުވާތަކެތި ބޭނުންކުރަނިކޮށް ނުވަތަ ވިޔަފާރިކުރަނިކޮށް ފެނިއްޖެނަމަ ނުވަތަ މާރާމާރީ ހިންގާ މަންޒަރު ފެނިއްޖެނަމަ ހެކިބަސްދޭން ނުކެރޭނެކަމަށް 34 ޕަސަންޓް އަށްވުރެ މީހުން ބުނެފައިވެއެވެ. މިއީ އާބާދީގެ ނިސްބަތުން ބަލާއިރު ވަރަށްބޮޑު އަދަދެއްކަން ފާހަގަކުރައްވައި، ކުށްކުރާ މީހުންގެ ހުކުމް ތަންފީޒުނުކޮށް އެމީހުން މުޖުތަމައުގެ ތެރެއަށް ދޫކޮށްލުމުން، ހެކިބަސްދޭ މީހާއަށް ލިބިދާނެ ގެއްލުމަކަށްޓަކައި އެމީހަކު ހެކިބަސްނުދީ ހުންނަކަން ފާހަގަކުރެވެއެވެ. މިގޮތުން 500 އަށްވުރެ ގިނަ ކުށްވެރިން ހުކުމްތަންފީޒުނުވެ މާލޭގެ މަގުމަތީގައި ދޫވެގެން އުޅޭކަމަށް ކޮމިޝަންގެ ރިޕޯޓްގައިވެއެވެ
.
ޖިނާއީ އިޖުރާތު ހިންގުމަށް ބޭނުންވާ ޤާނޫނީ އޮނިގަނޑު އެކުލަވާލުމާއި، މިހާރު ރައްޔިތުންގެ މަޖިލީހަށް ހުށަހެޅިފައިވާ ޤާނޫންތައް އަވަހަށް ފާސްކުރުމަށް ބާރުއަޅާކަމަށް ބަޔާންކޮށްފައިވެއެވެ. މިގޮތުން ހެއްކާއިބެހޭ ޤާނޫން، ޤާނޫނުލް އުޤޫބާތު، ޖަލާބެހޭ ޤާނޫން، ޕެރޯލް ޤާނޫން، މަސްތުވާތަކެތި ބޭނުންކުރާ މީހުންނަށް ފަރުވާދޭނޭ އުސޫލެއް ބަޔާންކުރާ ޤާނޫން، ޖިނާއީ ކުށުގެ ސަބަބުން އަނިޔާލިބޭ މީހުންނާއި ގެއްލުންލިބޭ މީހުންގެ ހައްގުތައް ރައްކާތެރިކޮށްދޭ އުސޫލްތައް ބަޔާންކުރާ ޤާނޫން، ހެކިބަސްދޭ މީހުންގެ ރައްކާތެރިކަމާއި ސަލާމަތްތެރިކަމާއިގުޅޭ ޤާނޫން ހިމެނެއެވެ.
މުޖުތަމައުގައި ކުށްކުރުން އިތުރުވުމަކީ ޖިނާއީ އަދުލުގެ ނިޒާމާއި ގުޅިފައިވާ ކަމެއްކަމުގައި ވީނަމަވެސް، ނުސީދާގޮތުން ވަރަށްގިނަ އެހެން މުއައްސަސާތަކާއި އާއްމު ޖަމިއްޔާ ޖަމާއަތްތަކުގެ ހިއްސާއެއް އޮންނަ ކަމަކަށްވާތީ، މިކަމަށް ހައްލެއް ގެނައުމުގައި download elegy dvd ސަރުކާރުގެ ކަމާބެހޭ ހުރިހާ މުއައްސަސާއެއް ގުޅިގެން އެބައެއްގެ މަސައްކަތް ޒިންމާދާރުކޮށްކުރުމަށް ހިއުމަން ރައިޓްސް ކޮމިޝަނުން އެދިފައިވެއެވެ. މިގޮތުން ފުލުހުންނާއި ޕްރޮސެކިއުޓަރ ޖެނެރަލްގެ އޮފީހާއި، އެޓާރނީ ޖެނެރަލްގެ އޮފީހާއި، ޖިނާއީ ކޯޓާއި، ހޯމް މިނިސްޓްރީ، މިނިސްޓްރީ އޮފް ހެލްތް އެންޑް ފެމިލީ، އެޑިއުކޭޝަން މިނިސްޓްރީ، ޔޫތް މިނިސްޓްރީ، ރައްޔިތުންގެ މަޖިލިސް، ފިނޭންސް މިނިސްޓްރީ އަދި މަދަނީ ޖަމިއްޔާތައް ހިމެނެއެވެ. މިއިން ކޮންމެ މުއައްސަސާއަކުން ކުރަން އެކޮމިޝަނަށް ފެންނަ މުހިއްމު ކަންތައްތަކެއް މި ރިޕޯޓްގައި ވަކިވަކިން ތަފްސީލުކޮށް ބަޔާންކޮށްފައި ވެއެވެ.
thiaku nuhun naane thoahche thedhu vaahakaeh. abadhuves kiyaani islaahu kuraa vaahaka ekamu dhuvahakuves hahle nugenevey. dhen rangalhu vaani thikahala report nunerunihyaa!