ވޭސްޓް މެނެޖްމަންޓް ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރުގެ މަގާމަށް ނ.ހޮޅުދޫ އާރާމުގޭ ޢަލީ ރަޝީދު އިސްކުރައްވައިފިއެވެ.

މީހުން ދިރިއުޅޭ ރަށްރަށުގައި ބަނގުރާ ވިއްކުމުގެ ހުއްދަ ނުދޭ ގޮތަށް މިއަދުގެ ހެނދުނުގެ ވަގުތެއްގައި ސަރުކާރުން ނިންމައިފި އެވެ.

ޑީއާރުޕީ އަށްވުރެ އިތުރަށް އެމްޑީޕީގައި ތިބީ ތިން ސަތޭކަ ނުވަދިހަ ހަ މެންބަރުން މިހާރު ރާއްޖޭގައި އޮތް އެންމެ ބޮޑު ސިޔާސީ ޕާޓީއަކީ އެމްޑީޕީ ކަމަށް އިލެކްޝަންސް ކޮމިޝަނުން ބުނެފި އެވެ.

ކުރީގެ ސަރުކާރުގެ ފަރާތުން ވާރުތަވެފައިވާ ދަރަނި ލުއި ކޮށްދެއްވުމަށް ދިވެހިރާއްޖެއަށް އެހީދޭ ފަރާތްތަކުގެ ކިބައިން ރާއްޖޭގެ ޚާރިޖީ ވަޒީރު ޑރ.އަހުމަދު ޝަހީދު އެދިވަޑައިގެންފިއެވެ. އެ މަނިކުފާނު މިކަމަށް އެދިވަޑައިގެންނެވީ އަންނަމަހު ރާއްޖޭގައި ބޭއްވުމަށް ހަމަޖެހިފައިވާ އެހީދޭ ފަރާތްތަކުގެ މަހާސިންތާ ނުވަތަ ޑޯނަރޒް ފޯރަމްގެ ކުރިން ކޮޅުނބުގައި ތިއްބަވާ އެހީދޭ ޤައުމުތަކުގެ މެދުގައި މައުލޫމާތުދެއްވުމަށް ބޭއްވެވި ބައްދަލުވުމެއްގައި ވާހަކަފުޅުދައްކަވަމުންނެވެ.

މީހުން ދިރިއުޅޭ ރަށްރަށުގައި ބަނގުރާ ވިއްކުމުގެ ހުއްދަ ހޯމަ ދުވަހުން ފެށިގެން ލިބިދޭ ޤަވާއިދާ ދެކޮޅަށް ޢަދާލަތު ޕާޓީން އިންތިޒާމް ކުރި މުޒާހަރާގައި އެތައް ހާސް ބަޔަކު ބައިވެރިވެ އެ ގަވާއިދު ވަގުތުން އަނބުރާ ގެންދިޔުމަށް ގޮވާލައިފި އެވެ.

ސަރުކާރުން ގަވާއިދެއް ހެއްދެވުމުގައި އަދި އެއްވެސް ކަމެއް ކުރެއްވުމުގައި ރައްޔިތުން އެދޭގޮތާއި، ރައްޔިތުން ބޭނުންވާ ގޮތް ބައްލަވަމުން ގެންދަވާނެ ކަމަށާއި، ރައްޔިތުން ނޭދޭގޮތަކަށް މި ސަރުކާރަކުން އެއްވެސް ކަމެއް، އެއްވެސް ޢަމަލެއް ނުކުރައްވާނެ ކަމުގައި ރައީސުލްޖުމްހޫރިއްޔާ މުޙަންމަދު ނަޝީދު ވިދާޅުވެއްޖެއެވެ.

ޤަވާއިދުގައި ކަނޑައަޅާފައިވާ އެއްވެ އުޅުން މަނާ ސަރަހައްދުތަކުގެ ތެރެއިން ސަރަހައްދަކަށް އެއްވެއްޖެ ނަމަ އެ އެއްވުމެއް ރޫޅާލަން ޖެހޭނެ ކަމަށާއި އެ ގޮތަށް ޢަމަލު ނުކުރުމަށް ރައްޔިތުންނަށް އިލްތިމާސް ކުރާ ކަމަށް ފުލުސް އޮފީހުން ހާމަކުރައްވައިފިއެވެ.

އަންހެނުންނަށް އިހާނާތްތެރިކޮށް ހިތުން ހުއްޓުވުމާ ބެހޭ ބައިނަލްއަގްވާމީ މުޢާހަދާގައި، ރާއްޖެއިން އަމަލު ނުކޮށް ހުރި ބައެއް މާއްދާތަކަށް އަމަލުކުރަން ފެށުމަށް ނިންމައިފައިވާ ކަމަށް ފޮރިން މިނިސްޓްރީން ހާމަކޮށްފިއެވެ.

އެމްޑީޕީގެ ޕާލިމެންޓަރީ ގުރޫޕުގެ ލީޑަރ، ރައްޔިތުންގެ މަޖިލީހުގެ ހުޅުހެންވޭރު ދާއިރާގެ މެންބަރު ރީކޯ މޫސާ މަނިކުގެ ނަންމައްޗަށް ރަޖިސްޓަރީ ކުރެވިފައިވާ ކާރަކުން، ނުރުހުމާއި ފާޑުކިޔުން އަމާޒުވެފައިވާ ބަނގުރަލުގެ ޤަވާޢިދު މިނިސްޓްރީ އޮފް އިކޮނޯމިކް ޑެވެލޮޕްމަންޓުން އިޢުލާންކުރި ދުވަހުގެ ރޭ، 168 ބަނގުރާފުޅި ފެނިފައިވާ މައްސަލަ ފުލުހުން ތަޙްޤީޤުކުރަމުން އެބަގެންދެއެވެ.